9/09/2011

اجيال (80:90) راجع شريط حياتك وذكرياتك !! ايام زمان


اجيال (80:90) راجع شريط حياتك وذكرياتك !!
ايام زمان-------------
قبل اى حاجة اعرف انك لزم تكتب تعليقك على الموضوع عمرك وايام طفولتك وقولى احساسك اية. شكرا

وانا قاعد لوحدى وبعد ما بقى معى بنتى رجعت افتكر ايام طفولتى لقيت الذاكرة لسة فية الخير و الحمدلله
مواليد الثمانينات
يعنى إيه مواليد اخر السبعينات و الثمانينات ؟؟
إحنا آخر جيل إتعلم اللعب فى الشارع , وأول جيل بدأ يلعب فيديو جيم وإتفرج على الكارتون بالألوان , وإتفسحنا في الجناين ,
إحنا الجيل اللى كان عنده تليفزيون واحد فقط و بنتفرج عليه بعد تصريح من الوالد
إحنا آخر جيل كان بينام بدرى
إحنا آخر جيل كان بيصحى الصبح على إذاعة الشرق الأوسط أو البرنامج العام
إحنا اللى كنا بنعمل مسابقة أجمل شارع فى زينة رمضان
إحنا اللى كنا عايشين طفولتنا على أغانى عمرو دياب و إيهاب توفيق ولولاكى
إحنا اللى كنا بناخد جوايز شهادات إستثمار
إحنا اللي كنا بنصور بكاميرا وفيلم و تحميض , مش ديجيتال
إحنا كان عندنا تواصل إجتماعى حقيقى بعيد عن الموبايل و الإنترنت
إحنا آخر جيل كان بيسجل الأغانى من الراديو , كنا بنسمعهم على الـWalkMan
إحنا إتعلمنا إزاى نبرمج الفيديو قبل أى حد , إحنا اللى لعبنا على الأتارى و سوبر نيتيندو وماريو
إحنا اللى شفنا الإنترنت على سرعة 56 ك/ب بفاكس مودم وكنا بنفتح صفحة واحدة بس
إحنا اللى كنا بنسافر فى العربيات اللى من غير حزام آمان ولا كيس هوا ,
إحنا اللى عيشنا من غير محمول وكنا على إتصال ببعض
إحنا اللى كنا بنأجر العجل (الدراجة) ونجرى بيها من غير فرامل
إحنا لا شفنا بلاى إستيشن ولا تليفزيون فيه أكتر من 100 قناة
إحنا لا شفنا شاشة مسطحة ولا 3D ولا صوت مجسم ولا Mp3 ولا Ipod
الباتيناج ابو 4 عجلات
الجيل اللى إتلغى من عليه التحسين فى الثانوية العامة
نسيت تقول احنا جيل كان بياخد مصروف نص جنيه وكان بيجيب شيبسي و لبان و لوليتا
حنا بتوع بم بم
نسيت كابتن ماجد وبقلظ وماما نجوى واغانى ايمان الطوخى وعبدالمنعم مدبولى مش اوكا واورتيج
وكمان احنا اخر جيل كان بيشتري مسدس و بومب في العيد حاليا بيشتروا ديناميت ومدسدسات خرطوش ويمكن ملوتوف
كنا بنستنا الفيلم الهندى فى العيد ،، وكنا بنجلد الكتب المدرسية فى المطبعة
الطايرات الورق الملونة والدبور ابو ديل
ساعات كنا بنقف بالساعه فوق السطح نظبط الاريال وبرضواميظبطش
والنحله اللي بدوباره وكيس البخت اللي فيه طقم سنان دركولا او خاتم والست الغلبانه اللي بتبيع امام المدرسه الدوم والحرنكش والخرشوف
إحنا اللى عملنا الشراب كوره
احنا الجيل اللى اشترى ازازة الكوكاكولا بربع جنيه
خر جيل لعب بالنحل الخشب أبو سن حديد . . و آخر جيل لعب تريك تراك عصفور يمام . . آخر جيل لعب بالكازوز و عمل منه عجل للعربيات الخشب غير فرده و تصنيع اشكال منه . . اخر جيل لعب رفة علي ورق الدولسي . . اخر جيل كان بيتلم علي مسلسل سبعة و ربع و مسرحية يوم الخميس و حفلات ضوضاء المدينة . . . احنا اخر جيل كانت المتعة بالنسبة له بمواعيد عشان كده الفيديو و الأتاري بالنسبة له كانت متعة لا نهائية . . . احنا آخر جيل لحق مساحات فاضية قريبة من بيوتهم يلعب فيه كورة أو حتي عنكب شد و اركب أو حتي كهربا . . . شد الكبس
احنا جيل مصروف ربع جنيه في اليوم .. و في الاعياد عدية 10 جنيه
احنا الجيل الى كنا لما نحب نتفرج على فيلم اجنبى نستنى اخ الاسبوع تاكسى السهرة او بانوراما فرنسية مش زى دلوقتى فى قنوات مخصصة للاجنبى
احنا جيل العجمي و العصافره مفش مارينا و الكلام ده
احنا اخر جيل كان بيعمل الكوكتيل بتاع الاغاني ب10جنية ساعة ونص علي شريط TDK
جيل أميجو اللى بينور ومسابقات لبان على بابا
احنا الشباب النيتي
جيل لا يعرف الفشل , واللي كان بيخش مدرسة خاصة يبقي نادر اوي
حد يقدر يكمل ؟؟



دى كانت حياتنا فعلا و كانت هى اجمل ايام


عاوز تتأكد أنك من جيلنا ؟ اذا كنت عشت الحاجات دي كلها او جزء منها تأكد انك من الجيل

راجع معانا شريط حياتك:



1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).

2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).

4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).

5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.

6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).

7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)

8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.

9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).

10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).

12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!

13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).

14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!

15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.

16.اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي).

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!

19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).

20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.

21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).

22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .

23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).

24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).

25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).

26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)

29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).

30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!

31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.

32.اذا كنت قد لعبت في طفولتك باحدى اشكال لعبة (الميكانو).

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).

34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.

35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.

36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).

37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).

38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).

39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها الجنسية.

40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)

41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.

42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.

43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).

44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).

45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.

47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!

49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.

50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول

51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت

52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل

53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب

54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكره


---------------------------------

اهم المشاكل التي تؤرق هذا الجيل الان :

1- تسريحه عمرو دياب الجديده حتكون شكلها ايه ؟ 
2- يا تري حيكون في جزء ثالث لمسلسل الدالي ولا لا ؟ 
3- لماذا ترك جوزيه النادي الاهلي ؟ 
4- متي سيعتزل هاني شاكر ؟ 
5- امتي حيبطل محمد فؤاد تمثيل و يركز في الغناء ؟ 
6- مين حيفوز في مسابقه ستار اكاديمي الجايه ؟ 
9- مين حيربح الاتنين مليون ؟ 
10- متي سيمتنع حسين الامام عن تقديم برامج للطهي بعد ان اصيب معظم المشاهدين بالاسهال ؟
11- امتي حيحلق تامر حسني شعر صدره ؟ 
12- ماذا يقصد تامر حسني بكلمه "هي دي" في اغنيته الشهيره ؟
13- متي سيمتنع السبكي عن الظهور في كل الافلام التي ينتجها بدون مبرر ؟
14- ما هو حل حلقه المفتش كرومبو الاخيره ؟
15- متي سيمتنع معتز الدمرداش عن التظاهر بخفه الظل ؟
16- مين افضل , عمرو دياب ولا تامر حسني ؟
17- من الذي لقّب تامر حسني بلقب نجم الجيل ؟
18- متي سيفوز نادي الزمالك بالدوري ؟
19- متي ستمتنع قناه الجزيره عن مهاجمه مصر ؟
20- اين ذهب مشروع توشكي و ما هو مصيره ؟
21- متي سيتوقف احمد شوبير عن محاصره المشاهدين في جميع البرامج الرياضيه ؟
22- ما هي اسباب حب مهند لنور ؟
23- متي ستتوقف المذيعه المتألقه مفيده شيحه عن الظهور في التليفزيون بعد ان اصيب كل المشاهدين بفقع المراره ؟
24- متي سيبتسم حسن شحاته ؟
25- كيف استطاعت امينه شلبايه الفوز بلقب ملكه جمال مصر ؟
26- اين ذهبت هاله سرحان و هل مازالت تصفق ؟
27- متي سيتوقف شيوخنا الاجلاء عن اعطاء فتاوي غريبه ؟
28- متي ستشارك مصر في بطوله كأس العالم ؟
29- متي سيجدد محمد سعد من ادائه ؟
30- متي سيصدر البوم شيرين الجديد ؟
31- لماذا يظهر حسن حسني في جميع الافلام ؟
32- من الذي اطلق الرصاص علي هند علام ؟
33- ما هو سر الاصفرار المفاجئ لشعر و حواجب و رموش تامر هجرس ؟
34- لماذا غني سعد الصغير "بحبك يا حمار" و هل كان حب من طرف واحد ؟



ودلوقتى بقى حان وقت استرجاع الذاكرة
نتفرج كدة على الصور دى
وعايز تعليقاتكم مع اشد صورة اول مشفتها قلت ياااااااااااه
ههههههههههه




القلم ابو اربع الوان







الاتاااااااارى كنت حريييييييييف فيه هههههه

واو النحله كنا بنعمل تصفيات بين العيال صوووحابى ننننننننن


اجامد لعبة فى الاتارى الطايرات



صخر ... اختراع الهكسووووس


دى مرات مازنجر ثحح هههههه




فطوووووووووطة

بونوكيووووو الكدااااااب ننننننن


كوفرتشييييييينا






جيلى كولاااااااااااااا



بوجى وطمطم ياااااااااااااااه ايووووووه ياجدعان


عم شكشك وزيكووو


د. مصطفى محمود


"المصاصة اللى بتصفررررررر"




بابااااااااااى وزيتوووووونة


هيرقليييييييز وزيييييييناااااااااا
اكبر اشتغالات كنا بنتفرج عليا




كنت هموت واقفل اللعبه دى


TGE DUCK
والكلب الرخم دة
ههههههههههه


ماااااااااريو
بنك الحظ لعبتى انا واختى وابن خالى كان نسهرع لية طول الليل





بولا بولا بولا بولا بولا بولا بارومبلا///صح كده
طيرى طيرييييييييييييييييييييييى يا عصفوره
اها فاكر انا البت دى هههههههه


احلى عصير 
عارفين دة فين ايوة هو ميدان التحرير


كان عامل موضة فى وقتى

علشان تبقى روش ولذيذ لزم يكون متعلق فى حزامك 

طيب و دية 

ودية كانت تحفة 

هههه بعد الحلاقة عند الحلاق 

طبعا كل اسبوع كانت اجيبة واخر السنة اجمعهما واعمل مجلد كبير

ايوة هما لحقتهما قبل ما اكبر

ادمانى لسلاحف الننجيا كان من غير حدود لدجة كانت عامل حائط كاملة بوسترات ليهم معرفش ماما كانت مستحملنى ازى وقتة ربنا يخليكى لى 

القلم السحرى

كان لزم فى الفسحة  

لعبتى المفضلة 
كتب زمن المذكرة 

المقلمة طبعا علشان الحركات واحنا اطفال


دية كانت فسحة العيد زمان دلوقتى بقت اثار بس

منين ما تمشى فى اى شارع كان لزم تسمع فى السكة

ونيس

بداياتى فى سمع الاغانى الاجنبى 


ايوة دة كان اول مونديل لى اتبعة كانت فى اعدادى

تانى لعبة كانتى على البى سى بعد كمبيوتر الصخر 

لسة لم بتيجى لزم اشوفة 

كانت اجيبة واعمل دوشة وبس

تيجى تصيد معى

كان اعجوبة وقتة

فاكر الخيال العلمى مع النضارة بتعتة كانت لعبت اختى 

ترمس البيت علشان الصيف

لبان السحرى بيعمل اية ؟ احمر واخضر صح

دية كانت معرفش اعملة 
دية بقى كانت مبدع فية



وشك لزم تلبس كوتشى شو الى بينور 

و الحتة الكاسيو علشان ماكيفر

دة لسة موجود

كان اعلان حلو 

الشبب الزيكو موضة 90


اول تليفون فى البيت
 

كان مبدع فى الاعلانات و الكميرا الخفية 

وشك الاتارى قبل الصخر فى ناس كتير صحبونى علشان يلعبو معى بس للاسف وكانو بيسرقو منى الشريط كمان معلش كانت طيب 


عمو فؤاد كل رمضان 


شوية من فوازير عمو فؤاد وشريهان ونيلى والف ليلة وليلة






















ياترى ياهل ترى بعد كل اللى شفتوه دة
حصلكم ايه ؟؟

يلا بقى متنسووووش اسمع رائيكم قولولى انهى صورة اللى اول مشفتوها حسيته احساس غريب كدة

Founder of Blogger semsam,Independent Blogger 2005.Middle East observer,Writer on Egypt,Yemen ,Arab,Current affairs-member in Arab blogger,Editor in Global Voices,Technology,Geek τέχνη,web development,internet security